Rais wa Jamhuri ya Burundi, Mheshimiwa Évariste Ndayishimiye, kwa kushirikiana na Waziri Mkuu wa Jamhuri ya Muungano wa Tanzania, Mheshimiwa Kassim Majaliwa Majaliwa, wamezindua rasmi ujenzi wa reli ya kisasa ya Uvinza–Musongati, inayotarajiwa kuimarisha usafirishaji wa mizigo na watu kati ya nchi hizi mbili jirani.
Mradi huu wa reli ya kiwango cha kimataifa (SGR) ni sehemu ya juhudi za pamoja za kuunganisha Burundi na Tanzania kupitia miundombinu ya kisasa, na kuchochea ukuaji wa uchumi wa kikanda. Reli hii itarahisisha usafirishaji wa madini, bidhaa za viwandani, na mazao ya kilimo kutoka Musongati hadi bandari ya Dar es Salaam kupitia Uvinza.
Hafla ya uzinduzi imehudhuriwa na viongozi waandamizi, wadau wa maendeleo, na wananchi waliokusanyika kushuhudia hatua hii muhimu ya kihistoria.
🗣️ Kauli ya Rais Évariste Ndayishimiye:
“Reli hii si tu njia ya usafiri, bali ni daraja la maendeleo na mshikamano kati ya watu wa Burundi na Tanzania.”
