Meta Platforms Inc., kampuni mama ya Facebook na Instagram, imetangaza kuwa kuanzia Oktoba 2025, haitaruhusu tena matangazo ya kisiasa, uchaguzi, au masuala ya kijamii katika mataifa yote 27 ya Umoja wa Ulaya
Sababu ya Kusitisha
Meta inasema kuwa Sheria mpya ya EU iitwayo Transparency and Targeting of Political Advertising (TTPA) inaleta changamoto kubwa za kiutendaji na kisheria kwa watangazaji na majukwaa ya kidijitali
Sheria hiyo inawataka watangazaji kufichua:
- Nani alilipa tangazo
- Gharama ya tangazo
- Uchaguzi unaolengwa
- Mbinu za kulenga hadhira
Kukosa kufuata masharti kunaweza kupelekea faini ya hadi asilimia 6 ya mapato ya mwaka wa kampuni duniani
Athari kwa Watumiaji
Wanasiasa na mashirika ya kiraia bado wataweza kuchapisha maudhui ya kisiasa, lakini hawataweza kulipia ili yaonekane zaidi
Meta inadai kuwa hatua hii itaathiri upatikanaji wa taarifa muhimu kwa wapiga kura, hasa zile zinazohusu masuala ya kijamii
Hatua hii inaashiria mvutano unaoendelea kati ya Big Tech na Umoja wa Ulaya kuhusu uwajibikaji wa kidijitali, faragha, na ushawishi wa kisiasa mtandaoni.
